Dagdag bawas sa presyo ng mga produktong petrolyo kasado na ngayong araw

Kasado na ang dagdag bawas sa presyo ng mga produktong petrolyo ngayong araw na ito.

Epektibo, ala 6:00 ng umaga ang nobenta’y singko sentimos na tapyas presyo sa kada litro ng gasolina na ipatutupad ng ilang kumpanya ng langis.

Nauna namang nagpatupad ng pisong rollback sa gasolina noong linggo ang Phoenix Petroleum at Clean Fuel.

Habang, madaragdagan naman ng kinse sentimos ang kada litro ng diesel.

Samantala, diyes sentimos naman ang itataas sa presyo ng kada litro ng kerosene o gaas ng Shell, Caltex, Petron, Flying V at Seaoil.