Job Fair ug Livelihood Bazaar, gipahigayon sa Dakbayan sa Dipolog

0
6

Gipahigayon atol sa pag saulog sa Labor Day ang usa ka Job Fair and Livelihood Bazaar nga gipahigayon didto sa ZN Cultural & Sports Center, Estaka syudad sa Dipolog, sa may alas 8 ang takna sa buntag ug niluntad sa alas 5 sa hapon, Myerkules, Mayo 1,2024.

Ang maong kalihokan gipangulohan sa Gobernador ning lalawigan sa Zamboanga del Norte nga si Governor Rosalina “Nanay Nene”Jalosjos, kauban sa pakigtambayayong sa buhatan sa Department of Labor and Employment (DOLE) ug Public Employment Service Office (PESO).

Mga Licensed recruitment agencies ug mga local business establishment ang gi-imbitar sa pagpahigayon sa hiring alang sa mga aplikante nga haom sa mga bakante nga mga posisyon sa ilang establisemento.

Dugang pa, usa usab kini ka pamaagi sa pagpasigarbo ug pagpakita sa nagkadaiyang Livelihood assisted projects ug ang mga lokal products ning lalawigan sa Zamboanga del Norte. (Medalyn U. Borja)

(Source: City Government of Dapitan)

Leave a Reply