COVID-19 death toll pumalo na sa higit 2,100

Pumalo na sa 2,112 ang bilang ng nasawi sa 2019 coronavirus disease (COVID-19) sa buong mundo.

Ito ay matapos makapagtala ang Hubei health authority ng 108 panibagong bilang ng nasawi sa nakalipas lamang na magdamag.

Kabilang rin sa kabuuang bilang ng nasawi ang dalawa mula sa Iran, dalawa mula sa Hong Kong at tig-isa mula sa Filipinas, France, Taiwan at Japan.

Samantala, umabot naman sa mahigit 76,000 ang bilang ng nagpositibo sa COVID-19 at ang pinaka malaking bilang dito ay mula sa China.