Nakadakop ang mga sakop sa Provincial Anti-African Swine
Fever Task Force uban sa mga polis sa Argao og delivery truck
nga nagkarga og 23 ka buhing baboy sa pantalan sa Bato,
Samboan, Cebu gahapon sa hapon.
Giingong nagmagahi pagpa-inspect ang trak hinungdang
nanawag og polis ang task force.
Busa pagka alas 5:30 sa hapon na-intercept sa checkpoint
sa mga polis sa Argao ang sakyanan.
Nasuta nga ang mga baboy naggikan sa lungsod sa Sibulan,
Negros Oriental ug gitakda untang ihatod sa mga siyudad sa
Cebu ug Carcar.
Segun sa giisyo nga Notice of Violation sa Regional
Veterinary Quarantine Office (RVQO), walo sa 23 ka baboy
walay Veterinary Health Certificate ug Shipment permit sanglit
ang tungod kay ang mga dokumento nga gipakita sa mga
nagdeliber alang lamang sa 15 ka baboy.
Ang walo ka baboy giabyan sa mga awtoridad balik sa
pantalan sa Samboan aron ipabalik sa Sibulan.