- Advertisement -
Sumampa na sa kabuuang 74,390 na ang bilang ng kaso ng coronavirus disease 2019 (COVID-19) sa bansa.
Ito ay matapos na makapagtala ang Department of Health (DOH) ng 2,200 bilang ng bagong kaso ng COVID-19.
Sa mga bagong kaso ng COVID-19, 1,314 ang ‘fresh’ cases, habang nasa higit 800 naman ang late cases.
Ayon sa DOH sa Metro Manila naitala ang pinakamaraming bilang ng bagong kaso ng COVID-19 kung saan umabot ito sa 1,546 na sinundan naman ng Cebu na mayroong 246 na bagong kaso ng COVID-19.
Sa ngayon, nasa 24,383 naman ang bilang ng mga nakarekober sa COVID-19 at nasa 1,871 naman ang bilang ng mga nasawi.
Samantala, nasa 48,000 naman ang bilang ng mga aktibong kaso ng COVID-19 sa bansa.
- Advertisement -
