Contact tracing sa bansa mas lalo pang paiigtingin ng pamahalaan —DILG

Mas lalo pang paiigtingin ng pamahalaan ang isinasagawa nitong contact tracing bilang bahagi ng giyera kontra coronavirus disease 2019 (COVID-19).

Ayon kay Department of Interior and Local Government (DILG) Sec. Eduardo Año, ito ay sa pamamagitan ng pag-dagdag ng mga contact tracers sa bansa.

Sinabi ni Año, sa ngayon kasi ay nasa 4, 818 pa lamang ang contact tracing teams sa bansa o katumbas ng nasa 65,000 mga contact tracers.

Sinabi ni Año, nasa 80,000 contact tracers ang kailangan ng bansa upang mas maging mabilis ang pagtukoy sa mga posibleng nahawaan ng COVID-19, at sa mga nakasalamuha ng mga nagpositibo sa sakit ngunit hinihintay pa nila ang budget para rito.