Patuloy na nadaragdagan ang bilang ng mga lumalabag sa community quarantine sa bansa.
Batay sa pinakahuling datos ng Joint Task Force (JTF) COVID Shield, umabot na sa 210,109 ang bilang ng mga violators simula nang ipatupad ang community quarantine noong ika-17 ng Marso hanggang ika-29 ng Hunyo.
Ayon kay JTF COVID Shield Commander Lt. General Guillermo Eleazar, mula sa kabuuang bilang ng mga lumabag, 112,373 dito ang binigyan ng warning; 33,362 ang pinagmulta; habang 66,916 naman ang tuluyang inaresto.
Aniya, mayorya sa mga lumabag sa community quarantine ang mga indibidwal na nagtatago at nagbebenta ng mga overpriced medical supplies at mga PUVs na bumiyahe kahit na ipinagbabawal.
Samantala, patuloy namang nagmomonitor ang JTF COVID Shield sa iba’t ibang bahagi ng bansa habang mahigpit na ipinatutupad ang mga quarantine protocols.