34 C
Manila
Tuesday, April 16, 2024

Cebu: Unang adlaw sa Bayanihan Bakunahan Vaccination, gidagsa ug nagsugwak ang mga tawo

- Advertisement -

Cebu City – Gihugopan ug nagsugwak ang mga nagpa bakuna sa lain-laing vaccination sites sa Sugbo atol sa unang adlaw sa tulo ka adlaw nga nationwide Bayanihan Bakunahan National Vaccination days, Nobyembre 29-Disyembre 1, 2021.

Visit RPN DYKC Cebu

Samtang gi menusan sa national government ang ilang target nga mabakunahan, masaligon ang Dakbayan sa Sugbo nga maka bakuna ug 96,924 ka mga residente sa tulo ka adlaw.

Kini nagpasabot nga duna kini mabakunahan nga 32,000 ka mga residente kada adlaw.

“Why not? Ato gyud ning buhaton.. Maningkamot gyud ta’g mayo.. Mao man ni gi-ingon sa atong mayor, Mike Rama, nga ato gyung buhaton,” mensahi ni Dr. Jeffrey Ibones, officer-in-charge sa Cebu City Health Department.

Ang Syudad sa Sugbo maoy napili nga regional host sa three-day massive vaccination campaign batok sa Covid-19.

Matod ni Ibones nga dili tanang 80 ka barangay dunay vaccination site alang sa three-day activity pero ang 90 ka mga vaccination teams ibahin-bahin kini sa mga lugar sa syudad.

Nagkanayon si Ibones nga naka hukom ang syudad nga i prioritize ang mga barangay nga ubos ang vaccination rates, lakip na kadtong lugar nga daghang nagpoyo.

“Naa say mga barangays nga maski nakaabot na sila’g 80 percent, amo gihapon silang gibutangan kay dako man kaayo nga barangay like Guadalupe. Maski pag muinog ka’g 80 percent na sila, pero ang ilang nabakunahan 30,000 na, nay 400,000 sila, daghan pang wala,” pasabot ni Ibones.

Pipila ka adlaw sa wala pa ang kalihukan gi-atiman ni Ibones ang mga finishing touches ug personal nga gisuroy ang tanang vaccination sites ug gipasalig nga andam na sa hagit.

Ang mga vaccination sites mi accommodate niadtong A1, a2 ug A3 priority groups nga eligible alang sa booster shot.

Samtang sa Syudad sa Lapu-Lapu lakip nga gibuksan ang Mactan Newtown sa Barangay Mactan ug Island City Mall sa Barangay Ibo; sa kinatibuk-an target sa dakbayan nga maka bakuna ug 29, 239 ka indibidwal.

Sa ilang bahin ang Mandaue mibukas sa tanan nilang vaccination sites lakip na ang pinili nga barangay based vaccination sites agig suporta sa lakang sa national government nga maka bakuna ug daghang tawo batot sa Covid-19; kini naglakip sa Mandaue Sports Complex, UCLM Campus, JCentre Mall, Pacific Mall ug Parkmall.

Target sa Syudad sa Mandaue nga maka bakuna ug 7,500 kada adlaw o kapin sa 22,500 sa tulo ka adlaw nga vaccination drive.

Ang Naga nag target ug 15,521; Syudad sa Talisay 13,617; Consolacion nag target ug 18,539; Minglanilla nag target ug 15,936; Cordova nag target ug 13,104 samtang ang Liloan nag target ug 22,015.

Gipahibaw ni Dr. Mary Jean Loreche, tigpamaba sa Visayas Vaccination Operations Center (VVOC) nga  ang national government nag target ug 1.3 million kapin sa tulo ka adlaw sa Central Visayas.

Kung makab-ot ang 1.3 million target dose sa Central Visayas sa tulo ka adlaw nga nationwide Covid-19 vaccination drive, maka tabang kini sa rehiyon nga maka abot sa 50 percent sa target population nga fully vaccinated ug 70 percent sa 1st dose.

Syringe shortage

Pipila sa mga issue nga nasinate sa maong kalihukan mao kakuwangan ug kalangan pag-abot sa syrine, kahinay sa internet connection, hinungdan nga dunay ubos ang turnout bisan pa man kon midagsa ang mga nagtinguha nga magpabakuna.

(News & photos courtesy of DOH-7 | Visayas Vaccination Operations Center | PIO of respective LGUs)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -