Nakigpulong si Lapu-Lapu City Mayor Cindi King-Chan sa mga opisyal sa Cebu Association of Tourguides, Inc. (CATG) nga gipangulohan ni Presidente Tyler D. Berame aron lig-onon pa ang panag-uban sa pagpalambo sa turismo sa siyudad.
Gihisgutan sa ilang tigum ang mga paagi aron mas mapasiugda ang kasaysayan, kultura, ug mga tourist destinations sa Lapu-Lapu City.
Gipaabot usab sa mayor ang suporta sa siyudad alang sa Lapu-Lapu City Heritage Tour Dry Run nga ipahigayon karong Agosto 11. Ang lokal nga kagamhanan mohatag og coaster buses aron matabangan ang kalampusan sa maong kalihokan nga pagatambongan sa mga DOT-accredited tour guides ug tour operators gikan sa nagkadaiyang bahin sa Cebu.
Matod ni Mayor King-Chan, pinaagi sa maong panagtambayayong, mas daghang bisita ang makaila sa kasaysayan, kultura, ug mga talagsaong atraksyon sa Lapu-Lapu City.
I via Renante Socia Lada