Gipahugot sa Cebu City Government ang biosecurity measures aron mapugngan ang pagsulod ug pagkaylap sa African Swine Fever (ASF) sa siyudad.
Sumala sa Cebu City Department of Veterinary Medicine and Fisheries (DVMF), gikinahanglan nga kompleto ang mga dokumento sa tanang nagdala og buhing baboy ug mga produktong baboy ngadto sa Cebu City, subay sa Executive Order No. 86 ni Mayor Nestor Archival.
Naglakip sa mga kinahanglanon ang ASF-free ug health certificates, ASF negative test result, shipping permit, ug certificate of acceptance gikan sa DVMF.
Matud sa DVMF, ang maong lakang makatabang sa pagpanalipod sa lokal nga industriya sa baboy ug sa panginabuhian sa mga mag-uuma ug negosyante pinaagi sa pagsiguro nga ASF-free ang mga mosulod nga baboy ug mga produkto niini.
I via Renante Socia Lada