Nagpropose ang Guun Co. Ltd. ug NXTLVL Water sa Mandaue City Government sa pagbutang og portable water filtration system aron makatabang sa disaster preparedness ug pagsulbad sa kakuwang sa limpyo nga tubig.
Sa ilang pagbisita kang Mayor Thadeo “Jonkie” Ouano kagahapon Hulyo 29, ilang gipakita ang kagamitan nga mahimong mogamit og tubig gikan sa ulan, deep well ug sapa ug himuon kini nga luwas nga mainom. Ang maong sistema mahimo usab nga paandaron pinaagi sa solar panel.
Matod sa mga kompanya, dako kini og tabang ilabi na sa panahon sa kalamidad ug sa mga barangay nga adunay problema sa suplay sa tubig.
Nagpasalamat si Mayor Jonkie sa maong proposal ug mipahayag nga andam ang lokal nga kagamhanan sa pagsuporta kon mapatuman ang proyekto.
I via Renante Socia Lada