Cebu City – Mi surrender na ang tulo ka mga pulis ug usa ka kanhi pulis sa managlahi nga police station sa Sugbo ug gipasakahan na ug kaso kalabot sa pagpatay ni konsehal Ma. ug iyang bana nga si Pedro sa lungsod sa San Fernando, lalawigan sa Sugbo.
Kini human sa kapin usa ka semana sukad gitulis ug gipatay ang managti-ayon niadtong Pebrero 13, 2022.
Gibutyag sa kadagkuan sa Police Regional Office (PRO)-7 nga robbery ang motibo sa pagpusil-patay sa duha ka mga biktima.
Gipasaka kagahapon ang kasong “robbery with double homicide” batok sa upat ka pulis ug kanhi pulis.
Si Col. Josefino Ligan, hepe sa Regional Investigation and Detection Management Division maoy mipahibaw sa maong kalambuan sa kaso.
Ang upat wala pa moluwat sa ilang pamahayag, naa karon sa detention cell sa Camp Sergio Osmena sa Syudad sa Sugbo.
Samtang ang usa nila, nga usa sab ka pulis, naa sa kustodiya Police Station sa lungsod sa Ronda.
Gipatay ang mga biktima gawas lang sa ilang panimalay sa San Fernando.
Nakit-an na sab ang getaway vehicle nga gituuhang gigamit nila ni Police Staff Sgts. Rene Abella Catamura, Junrey Ypil ug Junrey Batobalonos; ug sa kanhi pulis nga si Esmeraldo Quillosa, human sa giingong pagpusil ngadto sa magtiayon nga si Ma. Louela ug Pedro.
Gibutyag sa PRO-7, Miyerkules, Pebrero 23, 2022, nga ang lalake nga anak sa magtiayon nakasukol pa sa mga suspek, ug naka igo sa maong getaway vehicle.
(News & photo courtesy of Police Regional Office 7)
