Saturday, May 25, 2024

Cebu: Tri-Cities ubos sa Alert Level 3, mihimo sa ilang tagsa tagsa ka mga lakang

- Advertisement -

Cebu City – Naghimo na sa ilang tagsa tagsa ka mga lakang ang mga Local Government Units (LGU) sa Metro Cebu nga gipa-ubos sa Alert Level 3 classification nonot sa pagbalik ug saka sa Covid-19 cases.

Visit RPN DYKC Cebu

Kini human ang National Inter-Agency Task Force (IATF) mibutang sa Syudad sa Sugbo ug Mandaue sa Alert Level 3 sugod sa Biyernes, Enero 14, hangtud sa petsa 31, 2022.

Ang duha ka LGU misunod sa silingan nga Syudad sa Lapu-Lapu, nga unang gibutang sa Level 3 sa imaging semana.

Sa Syudad sa Sugbo, matod ni Mayor Rama nga walay ipatuman nga lockdown samtang ipa-ubos sa Alert Level 3 ang Syudad.

“Being in Alert Level 3 means shifting to a higher gear in our vigilance  as we continue to navigate through the challenges of the pandemic, while dealing  with the impact of a recent calamity by moving towards recovery,” mensahi ni Rama.

Sa iyang bahin, si Konsehal Joel Garganera Cebu City Emergency Operations Center Chief mipadayag nga duna untay ubang areas nga gikonsidera sa desisyon sa IATF gawas sa nagsaka nga mga kaso.

Ang ubang areas sigon pa ni Garganera, naglangkob sa hospital occupancy, mortalities (none), degree of response ug intervention bisan pa nga bag-o lang naka survive ang syudad sa labing kusug nga bagyo nga miigo sud sa pila ka dekada.

Gituki na sab niini ang intrazonal travel.

Kabahin sa Dakbayan sa Mandaue, gi-angkon ni Mayor Jonas Cortes nga naghinay hinay ug saka ang mga kaso, nga maoy sama sa trend sa miaging tuig.

“Here in Mandaue, we will be focusing on improving and making ready our Step-Down facility in case of a surge. Our EOC is in place and is ready for the task ahead,” matod ni Cortes.

Gipahibaw sab sa mayor nga ilang i increase ang ilang vaccination roll-outs alang sa 1st , 2nd ug booster doses.

Ipahigayon kini dungan sa accerated distribution sa bugas ug water assistance alang sa mga na biktima sa bagyong Odette.

“Covid is a problem but not the only problem…we must concentrate our efforts in helping the Mandauehanons recover and get back to their feet,” dugang mensahi sa mayor.

Samtang sa Dakbayan sa Lapu-Lapu, giklaro ni Atty Misaellee Tejano, executive secretary ni Lapu-Lapu City Mayor Junard Chan, nga mipatuman na ang syudad sa health protocols ubos sa Alert Level 3.

Nagkanayon si Tejano nga hangtud karon, ang dakbayan wala pa maka dawat sa tubag gikan sa Inter-Agency Task Force on the Management of Emerging Infectious Diseases (IATF-MEID) kalabot sa apela sa LGU nga ma downgrade ang ilang Alert Level classification.

Ang IATF-MEID unang mibutang sa Syudad sa Lapu-Lapu sa Alert Level 3 gikan sa Enero 9 hangtud sa Enero 15, 2022.

Gikonpirma ni Retired General Mel Feliciano nga ang nagsaka nga mga kaso sa Covid maoy dakong factor sa desisyon sa IATF.

(Source: Respective Local Government Units)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -