Cebu City – Nonot ning nagka dool nga pagbukas sa Pista sa Senor Santo Nino ug kasaulogan sa Sinulog, nakatala ang Cebu City Operations Center (EOC) ug 201 ka mga aktibong kaso as of Enero 8, 2020.
Nangandam karon ang EOC sa pagbalik ug bukas sa mga isolation centers.
Matod ni Konsehal Joel Garganera, Deputy Implementer sa EOC, isip standard procedure sa EOC, ang ilang mga contact tracing teams mi siguro nga ang tanang mga close contact ma trace ug ma documented.
“They are working closely with our swabbing teams and extraction teams,” pahibaw ni Garganera.
Pahimangno sa opisyal nga padayon lang sa pagsunod sa Health Protocols ug PABAKUNA GYUD para luwas ug di magrabehan sa COVID-19.
Nakita sa EOC nga milapas na sa WHO Daily Positivity Rate Threshold nga nga 5% sa duha ka sunod sunod nga adlaw.
Katapusan nga milapas sa threshold niadtong Oktubre 24, 2021 nga miabot ug 5.26 %.
Gipasabot sa EOC nga ang taas nga positivity rate pasabot nga dunay taas nga transmission ug dunay posibilidad nga dunay dugang mga tawo nga nataptan sa coronavirus sa kumunidad nga wala pa ma testing.
Source/Photo: Emergency Operations Center-Cebu City
