Friday, June 14, 2024

Cebu: Suwat-hangyo nga pa menusan ang pletehan sa mga PUJs sa Lapu-Lapu giduso na gadto sa LTFRB National

- Advertisement -

Cebu City – Giduso na ngadto sa ulohang buhatan sa Land Transportation Franchising and Regulatory Board (LTFRB)  Manila ang proposal nga mag reduce sa fare rates sa traditional public utility jeepyneys (PUJ) sa Dakbayan sa Lapu-Lapu.

Visit RPN DYKC Cebu

Gibutyag ni LTFRB 7 Director Eduardo Montealto Jr. nga ang suwat nga gipadala ni Mayor Junard “Ahong” Chan ngadto sa ilang buhatan napadala na sa Manila ug ipa-agi kini ug review.

Gipasabot sa director nga molanat pa kini ug panahon tungod kay mag kolekta pa sila ug mga kasayuran gikan sa ubang government agencies.

Sa imaging buwan, gipadala ni Chan ang suwat ngadto sa LTFRB 7 nga nag hangyo nga pa menusan ang plelethan tungod kay ang passenger capacity sa mga PUJs sa syudad mi increase na.

Niadtong wala pay pandemic, ang minimum nga pletehan sa mga jeepneys/multicab tag P7.50 lang.

Sa dihang gitugtan na silang maka byahe ug balik atol sa pandemic, ni charge ang PUJs ug P9 ngadto sa P11 isip minimum nga pletehan tungod kay mi gasto sila alang sa health protocol requirements ug gi menusan sab ang gidaghanon sa pasahero pagsiguro sa social distancing.

Gipahibaw ni Montealto nga sa dili pa ma approved ang hangyo ni Chan, kinahanglan pang tun-an ang mga data gikan sa National Economic and Development Authority, Department of Trade and Industry, ug Department of Energy aron maka kab-ot ug resulta nga maka benepisyo sa mga commuters ug mga drivers.

Sa ilang bahin ang Chairman sa Pinagkaisang Samahan ng mga Tsuper at Operator (Piston ) Cebu, Gregory “Greg” Perez nagkanayon nga dili na maghuwat pa ang LTFRB ug bisan unsang petition aron mo hukom kung kinahanglan bang menusan ang minimum nga pletehan.

Sigon pa ni Perez nga dili sila supak sa bisan unsang petition pag reduce sa pletehan basta lang aksyonan sa goberno ang nagsaka nga presyo sa lan.

“Ang driver okay ra sa ubos nga plitehan basta ubos usab ang presyo sa gasolina,” matod ni Perez.

Gipasanginlan ni Perez ang LTFRB nga mipabor sa modern PUJs tungod kay ang ilang taas nga fare rates naghatag ug higayon nga maka bayad sa amortization sa ilang units.

Suma pa ni Montealto nga duna nay 858 ka mga modern PUJs nga nag byahe sa kadalanan sa Sugbo ubos sa 48 ka mga transportation cooperatives.

Dugang ni Montealto nga ang Department of Transportation ug ang LTFRB mohatag ug P160,000 subsidy ngadto sa mga drivers nga mo switch ngadto sa modern unit.

(Source: LTFRB 7, photo courtesy by Jhon Tadlip)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -