Cebu City – Gi endorso sa Regional Political Party nga naka basi sa Dakbayan sa Sugbo, Partido Barug si Presidential aspirant Ferdinand ‘Bongbong” Marcos ug ang iyang running mate nga Vice-Presidential candidate Sara Duterte-Carpio alang sa umaabo piniliay karong Mayor 9, 2022.
Si Cebu City Mayor Michael “Mike” Rama, standard bearer sa Partido Barug nga kaalyado sa PDP mipadayag sa iyang suporta sa kandidatura nila ni Marcos Jr. ug Duterte-Carpio atol sa press conference, Miyerkules, Enero 26, 2022.
“Now, we officially make a statement that our presidential candidate is BBM- Bongbong Marcos. So that ends this saga in what we call the waiting time,” mensahi ni Rama sa press conference.
Uban ni Rama nga maoy standard bearer sa partido ang iyang partymates nga naglakip ni Konsehal Raymond Garcia kinsa kandidato sa pagka bise mayor ubus sa KUSUG ug ilang kompletong line up.
“After consulting some of national personalities, needless to say who they are, definitely as of the moment, we officially make a statement that our Presidential candidate is BBM, Bongbong Marcos. Our Vice President is Sara Duterte,” matod sa mayor.
Apan sa iyang bahin, si Cebu City Councior James Cuenco, anak ni kanhi Kongresista Antonio Cuenco kinsa nakigbatok sa dictatorship ni kanhi President Ferdinand Marcos niadtong 1980, nagkanayon nga dili siya mo endorse personally ni Marcos Jr., pagka president bisan kon membro siya sa Barug-PDP Laban.
Hinoon, matod ni Cuenco nga dili sab siya mo kampanya batok kang Marcos Jr., pero mo uban siya sa gi endorso sa ilang partido nga si Vice Presidentiable Sara Duterte, samtang pabilin sa iyang individual choice sa dili pag botar o pag kampanya alang ni Marcos Jr.
Sama kang Cueco, si Panaghiusa leader Joey Daluz kinsa, ka alyado sa BARUG-PDP ni Rama, lahi sab ang i endoroso nga kandidato sa pagka presidente.
Si Daluz mipahibaw na nga adto kini mo suporta ni Manila Mayor Fransciso “Isko” Moreno.
Kagahapon, gi anunsyo sab sa Barug Alang sa Kauswagan ug Demokrasya (BAKUD) ang ilang suporta sa BBM-Sara Tandem sa Mayo 2022 nga piniliay.
Samtang ang Bando Osmena Pundok Kauswagan taud taud na nga mipahibaw sa ilang pag suporta ngadto ni Vice-Presidente Leni Robredo ug ni Kiko Pangilian kinsa magpapili sa pagka president ug bise presidente karong umaabot nga piniliay.
(News & photo courtesy of BARUG)