Cebu City – Gipabalik ngadto sa buhatan ni Lapu-Lapu City Mayor Junard “Ahong” Chan ang proposed ordinance alang sa P24.81 Billion LLEX o Lapu-Lapu expressway nga skyway project sa dakbayan pinaagi sa Public Private Partnership kon PPP.
Kini ang gibutyag ni Vice Mayoral aspirant ug incumbent City councilour Rico Amores.
Matod ni Amores nga ‘back to the office’ sa city mayor kay matod pa duna pay mga ‘issue ug correction’.
Gipahibaw ni Amores nga ang iyang kaubang konsehal nga si Atty. Michael Dignos, Chairman sa Committee on Infrastructure maoy mi duso sa maong lakang atol sa pagtuki sa maong ordinansahon atol sa regular session sa konseho sa syudad, Hwebes sa hapon, Disyembre 9, 2021.
Wala hinoon, mo detalye si Amores kung unsa nga particular issue ang bout nilang masayran ug wa pa sab silay timetable kon kanus-a kini matuki pag usab.
Sa Facebook post ni Chan, iyang gipahibaw nga dunay mga benepisyo ang syudad sa LLEX nga mao ang mosunod:
- Walay gasto ang syudad
- Makahatag kini og income
- Makasulbad sa problema sa trapiko
- Maka boost sa sa ekonomiya ug sa mga syudad sa Metro Cebu.
“Kung matag adlaw, moagi mo sa kalsada sa Barangay Basay ug Barangay Babag ug maglabad ang inyung ulo tungod sa traffic, hapit na mahuman ang inyung pag-antos kay mahatagan na kini og kasulbaran pinaagi sa atong skyway project ubos sa PPP,” mensahi ni Chan.
Una nang gipanghinaut sa mayor nga walay mobabag sa maong proyekto nga gitinguha sa dakbayan.
Dunay pipila ka mga netizen nga mipadayag sa ilang huna-huna ug baruganan.
“This is a breakthrough undertaking that will tremendously benefit the city. A project of ths importance, scale and magnitude doesn’t take place very often, so all Oponganon should support it,” mensahi ni Ahmed Cuizon labot sa maong proyekto.
Laing netizen nga usa Alfred Arrieta nagkanayon, “Louy ang mga properties and house na maagian ani na project their value will surely decrease not mentioning the risk and pollution it will bring to their establishments/houses…but it is a necessary cost of development.”
(News & photos courtesy of Lapu-Lapu City Council | Junard “Ahong” Chan’s FB account)
