Cebu City – Gitugtan na sa lokal nga kagamhanan nga maka gawas nga walay face shields sagad sa mga pampublikong lugar sa Syudad sa Sugbo.
Gibutyag ni Cebu City Acting Mayor Michael Rama, Miyerkules, Nobyembre 10, dili na kinahanglang magsul-ob og face shields sa mga pampublikong lugar, lakip na sa malls ug traditional jeepneys.
Pero, gikihanglan gihapon kining isul-ob sud sa mga hospital, clinics, diagnostic laboratories, ubang mga medical facilities ug sud sa air-conditioned nga public utility vehicles.
Matod ni Rama nga nakab-ot ang maong desisyon sa convergence meeting Martes sa gabii, Nobembre 9, 2021.
Kini nagpasabot nga makasud na ang publiko sa mga malls ug establishments nga dili na mag sul-ob ug face shield.
Giklaro sa mayor nga sa mga kalihukan nga dunay close contacts nga mahitabo, gi expect gihapon nga pasul-ubon ug face shield ang mga partisipante alang sa proteksyon.
Ubos kini sa Directive No. 11-09-01 sa mayor alang sa Task Force “PUYO”, Cebu City Emergency Operations Center ug sa tanang concerned.
Basi sa labing uwahing communication sa Inter-Agency Task Force, gihatagan na ug kagahum sa National government ang usa ka local government unit pag desisyon kung ilibkas ba ang mandatory face shield requirement o ipabilin.
(News & photo courtesy of Cebu City PIO)
