Cebu City – Gipadayon gihapon ang constructions activities sa Compania Maritima taliwa sa protesta sa Cebu Port Authority (CPA) mahitungod sa paglakip sa maong property sa Megawide Venture sa Carbon Market alang sa modernization program.
Gikonpirma sa Cebu City Market Operations Divisions (MOD) nga gipahigayon ang earth moving activities sa nahisgutang compound, tungod kay himoon kining Puso Village, bag-o kining section sa umaabot nga modern Carbon Market.
Mga duha ka semana ang milabay, nahitabo ang stand off tali sa port police, Philippine National Police (PNP), ug sa MOD security gumikan sa pagsuway sa CPA nga makuha nila pagbalik ang control sa property, nga ilang gi-angkon nga ilaha, pending ang paghusay sa kaso sa korte.
Gibutyag ni MOD Head Irvin Caballes nga ang maong stand-off wala kini mopabor ngadto sa CPA, hinungdan nga nagpadayon ang construction.
Sa suwat nga gipadala ngadto sa City Council, niadtong Nobembre 3, 2021, mi apela si CPA General Manager Leonilo Mole sa kagamhanan sa syudad nga i respeto ang kasamtangan nga husay sa korte labot sa maong property.
“We reiterate the CPA’s vehement objection to the Cebu City’s use and conversion of the Compania Maritima area pursuant to a joint venture with Megawide Construction Corp;”
“It is a fact known to the City of Cebu, Megawide, and the public that the property is subject of litigation since July 2015 at the Regional Trial Court Branch 10,” mensahi ni Mole.
Alang sa CPA nga ang pagpadayon sa construction nga walay pagtugot nila, ilang gihulagway nga, unlawful, deplorable, ug reprehensible, ug nagpakita kinig lack of prudence sa bahin sa Syudad sa Sugbo.
“In so doing, the City of Cebu has wittingly abetted the capitalization of a government property by a mere private business equity…” dugang ni Mole.
Niadtong Agosto 10, 2021, mipada ang CPA ug suwat ngadto sa city government, ug mihanyo nga ipatangtang sa nauwahi ang tanang materials nga naka butang sa contested area sud sa pito ka adlaw sa pagdawat sa maong suwat.
Apan matod pa, wa kini paminawa sa kagamhanan sa syudad, hinungdan nga gi okupa kini sa CPA pinaagi sa pagpadala ug security, kinsa gibugaw ra sab sa mga personnel sa syudad.
Gisubli sa CPA nga wala silay labot sa Megawide JVA ug dili sila angay nga i apil sa bisan unsang plano.
Sa kasamtangan, matod ni Caballes, nga ang city government mibarug nga maoy tag-iya sa property hinungdan nga legal ang bisan unsang earth moving activities.
Gipahibaw ni Caballes nga magpadayon ang construction gawas lang kung adunay mando sa korte sa pagpahunong niini.
(News & photo courtesy of Market Operations Division-Cebu City | Cebu Port Authority (CPA))
