Saturday, May 25, 2024

Cebu: P5k financial assistance nga gipaabot sa mga nabiktima sa bagyong Odette sa Lapu-Lapu, gi process na ug gitakdang mahatag sud ning semanaha

- Advertisement -

Cebu City – Gi process na karon sa kagamhanan sa dakbayan sa Lapu-Lapu ang pag release sa financial assistance ngadto sa mga na biktima sa bagyong Odette, ug gitakdang mahatag sud ning semanaha ang tag ₱ 5,000 matag household alang sa totally o partially damage nga balay.

Visit RPN DYKC Cebu

Kini ang gibutyag ni Mayor Junard “Ahong” Chan sa interview sa DYKC Karambola Bisaya Program, Enero 4, 2022.

Ang pondo gikuha gikan sa ₱ 236 million supplemental budget nga gipasar sa konseho sa syudad human sa bagyong Odette.

Bisan kon ang proposed ₱ 236 million assistance ordinance dunay provision nga nag ingon nga kinahanglan adto kini i download sa barangay, matod ni Chan nga ang distribution dili trabaho sa konseho kundi trabaho kini sa mayor.

Ang tibook kantidad adto kini i release sa City Social Welfare and Development (CSWDO) imbes nga i-direkta sa kabarangayan.

“This is my discretion, I will take the risk, andam akong magpa-prIso as long na ma-release na ang kwarta, kay ang mga biktima sa bagyo duha na ka semana kapin nga naghuwat,” pasabot sa mayor.

Gipaambit sa mayor ang pamahayag sa City Accountant ug City Budget Officer nga mas grabe ang kalangay kung I download kini ngadto sa mga barangay tungod kay sagad niini duna pay unliquidated cash advances gikan sa previous fund nga gi release, ug sagad niini wala pa maka submit ngadto sa syudad, ug wala pa sab ma aprobahi ang ilang 2021 annual budget ug supplemental budget alang ning maong appropriation.

“Ngano adto ta sa lisod nga ania may sayon,” dugang pasabot sa mayor.

Subay niini, gipahibaw ni Chan ang proseso sa assistance; Ang CSWDO mo submit sa mga pangan ug kantidad ngadto sa syudad, mopadung kini sa City Budget, gikan sa didto, mosunod dayon sa Accounting, ngadto na sa Treasurer’s Office alang sa pag release.

Kini bisan pa man nga ang tibook atop sa accounting ug city budget office nalangkat sa bagyong Odette, ug nanga basa ang pipila ka mga records.

Atol sa holidays, sigon pa ni Chan nga ang CSWDO misudlay sa mga lugar nga apektado sa bagyo pag identify ug paglista sa mga na biktima.

Nagkanayon ang mayor nga unang maka dawat ug financial assistance kadtong barangay nga naka submit na ngadto sa CSWD ug mga pangan sa ilang mga konstituwente nga mga apektado sa bagyo.

Sa press conference, gi enumerate sa mayor kinsa kadtong qualified nga madawat sa assistance.

“First, recipient must be indigent; second, recipient must be a resident of the barangay; third, recipient’s house is partially or totally damaged; and fourth that the recipient is the house owner,” matod sa mayor.

Gipasabot niini nga ang ₱ 236 million igo lang sa 47,200 typhoon-affected households nga na identified na.

Giangkon ni Chan nga limitado ang resource sa syudad.

Basi sa assessment sa mayor, as of Enero 2, 2020, dunay 96,290 households ang apektado sa syudad.

Typhoon Odette Impact Update:

  • Families Affected – 96,421
  • Individuals Affected – 354,595

Damaged Houses:

  • Totally Damaged – 22,040
  • Partially Damaged – 74,250

Gipahibaw sab sa mayor nga mipadala na kini ug suwat ngato sa national government ug sa National Housing Authority(NHA) ug mihatag ang syudad ug data ug proof of damage, sa gipangayo niini nga assistance alang sa mga nabiktima sa bagyo nga mga Oponganon.

Nakadawat na ang syudad ug dugang kapin sa P9million cash assistance gikan sa government agencies ug LGUs sa wala pa matapos ang tuig 2021; kini nagpasabot nga dugang qualified households ang makadawat ug assisntace.

“But still I am hoping makakuha gihapon ta og additional nga hinabang,” dugang pasabot sa mayor tungod kay way igong pondo ang syudad.

Ang grupo ni Mayor Chan ug ni kanhi Mayor ug kasamtangan nga Kongresista Paz Radaza mga maoy mag-atbang sa 2022 elections sa pagka mayor sa syudad, pulos nilihok sa pagpangita ug pondo ug hinabang alang sa mga nabiktima sa bagyong Odette nga mi-igo sa Central Visayas niadtong Disyembre 16, 2021.

(Source: DYKC Karambola Bisaya interview with Mayor Junard Chan | Lapu-Lapu City PIO, photo & video courtesy by Jhon Tadlip)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -