Cebu City – Nangandam na sa ilang tagsa tagsa ka mga lugar ang mga dagkong Local Government Unit (LGU) sa Sugbo nonot sa nagsingabot nga Tropical Depression Odette.
Gitakdang mopatuman ug force evacution ang kagamhanan sa syudad sa Sugbo ngadto sa mga residente nga nagpuyo sa high-risk areas kung mo igo sa Central Visayas ang bagyong Odette sa tunga tunga ning semanaha.
Basi sa forecast sa PAG-ASA nga gitakdang mosud sa Philippine Area of Responsibility ang Tropical Depression Odette karong Martes, Disyembre 14, 2021.
Posible nga ipa bakwit ni Cebu City Mayor Michael Rama ang mga residente nga nanimoyo sa lugar nga prone sa baha.
Sa ilang bahin, mipatawag si Lapu-Lapu City Mayor Junard “Ahong” Chan sa konseho sa syudad sa Lapu-lapu nga mag convene alang sa special session, Martes, Disyembre 14, 2021, aron sa pagpangandam sa nagsingabot nga bagyong Odette, nga gi forecast nga mo agi sa Visayas karong Hwebes ug Biyernes.
Buot ni Chan nga mopasar ang Sangguniang Panglungsod nga mag deklara sa tibook syudad ubos sa “State of Preparedness”.
Samtang sa Dakbayan sa Mandaue, manutang nang daan ug mga tents ang taga City Disaster Risk Reduction and Management Office, atubangan sa city hall, isip pagpangandam sa umaabot nga bagyo.
(News & photos courtesy of CDRRMO of Respective LGU | PAG-ASA)
