Cebu City – Gi discourage sa Philippine Pediatric Society (PPS) Central Visayas ang mga minors nga nag edad ug 11 anyos ug paubos sa pagsud sa mga malls.
Matod ni Dr. Alfredo Bongo Jr., PPS Central Visayas Chapter President nga ilang gi discourage ang maong age bracket pag adto sa mga malls tungod kay dili sila protected sa posibleng Covid-19 infection.
“Actually, the Philippine Pediatric Society does not allow children below 11 years old to go to malls. Or children below 11 years are not advised/supposed to go to the mall and that is the discretion of the parents to do so,” mensahi ni Bongo.
Gidasonan ni Acting Cebu City Mayor Donaldo “Dondon ” Hontiveros ang baruganan sa PPS ug matod pa, mopahigayon kini ug tigom tali sa concerned parties aron pag address sa issue.
“So it’s good na we hear if from the medical side para mausab gyud namo. I don’t know if we can do that. But for sure we’ll have a convergence meeting regarding this issue. Kay ako support gyud ko sa ilang statement, “ padayag sa kanhi PBA star.
Science-based
Gi-angkon sa acting mayor nga ganahan na gyud unta mag abli sa ekonomiya, pero alang niya nga kinahanglang mosalig ta sa science; saligan ang mga medical expert paghatag aning mga advice.
Subay niini mag duha duha pa gyud si Hontiveros sa pagdala sa 11 anyos sa malls.
Bisan kon ang Syudad sa Sugbo anaa sa alert level 2, nga nagtugot sa maong mga pangedaron pagsud sa malls uban sa fully vaccinated nga kuyug, apan gi-awhag ni Hontiveros ang mga ginikanan nga dili mag kompyansa sa pagdala sa mga bata sa malls.
“As what Dr. Bongo mentioned, discretion sa ginikanan. Di ba allowed sila to go, provided vaccinated ang individual or kuyug nila. But then again, dili lang gyud ta basta mag relax kay gi-allow na ba. So I hope atong mga ginikanan kasabot ani. Pwede man diha lang sa gawas sa mall. But then again, it has to be addressed,” dugang ni Hontiveros.
Sayo niini, gi-awhag ni President Rodrigo Duterte ang mga Local Government Units (LGU) pag pasar ug mga ordinansa nga mag ban sa mga bata nga nag edad ug ubos sa 12 anyos.
Kini aron pag protehir nila batok sa infection gumikay kay wala pa silay mga bakuna.
Sa kasamtangan kadto lang mag edad ug 12 hangtud sa 17 ang gipang bakunahan.
(News & photo courtesy of Cebu City PIO | Philippine Pediatric Society (PPS)–Central Visayas)
