Cebu City – Gi-awhag sa Land Transportation Franchising and Regulatory Board (LTFRB) Central Visayas ang mga local government units (LGU) nga duna silay uniform guidelines kon duna silay plano pag implementa sa “no vaccination, no ride policy” policy sa ilang tagsa tagsa ka jurisdiction.
Nakita ni LTFRB 7 Director Eduardo Montealto nga maglisod ang ahensya pagpatuman sa balaud kung ang mga LGUs dunay lain-lain nga regulations alang sa public transport.
Kini human ang konseho sa Dakbayan sa Mandaue nakadawat ug suwat gikan sa Department of Interior and Local Government (DILG) nga nag encourage niini nga mopasar ug ordinansa nga mag require sa mga pasahero nga fully vaccinated batok sa coronavirus disease (Covid-19).
Sa iyang bahin, si Konsehal Nerissa Soon-Ruiz, nagkanayon nga ila pang tun-an kung ang proposed measure mapatuman ba sa syudad.
Matod ni Montealto nga hagit kini tungod kay ang public utility vehicles (PUV) sa Metro Cebu mag byahe sa jurisdiction sa lain-laing LGUs.
Alang ni Montealto nga ang demmand sa public transport, labi na sa rush hour, makadugang sa kalisod pag-ila kung ang sumasakay nabakunahan naba o wala.
Sigon pa sa director nga sa higayon nga mapatuman ang palisiya, ang ahensya maka silot lang sa mga drivers ug dili sa mga pasahero.
Sa tibook nasud, bugtong ang National Capital Region lang ang mipatuman sa palisiya nga nag dili sa mga wala mabakunahi nga maka sakay sa public transportation sa dihang ubos pa kini sa Alert Level 3.
Diri sa Sugbo, suma pa ni Montealto nga, ang syudad sa Mandaue lang ang mituki sa plano nga mohimo ug pagtuon sa posibling pagpatuman sa maong palisiya.
(Source: LTFRB 7, photo courtesy by Jhon Tadlip)