Cebu: DOH-7 mipahibaw sa kanihit sa supply sa basic medicines sa rehiyon, apil na ang Sugbo

Cebu City – Gi anunsyo sa Department of Health Central Visayas (DOH-7) ang kanihit sa supply sa basic medicines sa rehiyon, partikular na sa Sugbo.

Visit RPN DYKC Cebu

Giklaro ni Dr. Mary Jean Loreche, DOH-7 chief pathologist ang maong issue atol sa iyang press briefing sa Visayas Vaccination Operations Center (VVOC), Biyernes, Enero 14, 2022.

Subay niini, mi isyu na ang Department of Health (DOH) ug ang Department of Trade and Industry (DTI) ug joint memorandum circular nga naglatid sa purchase limit sa fever ug flu medicines.

Kini human nabantayan sa maong mga ahensya ang kalit nga pagsaka sa flu-like illnesses ug Covid-19 na mga kaso nga mi resulta sa dili kasagaran nga demand sa maong maong tambal.

Ang DOH ug DTI Joint Memorandum Circular (JMC) No. 22-01 naglatid sa purchase limit matag tawo ug household sa kada tambal:

• Paracetamol 500g tablet (20 alang sa individual ug 60 matag household);
• Paracetamol suspension (5 alang sa individual ug 10 matag household);
• Phenylephrine hydrochloride suspension ( 5 per individual ug 10 per household); (Chlorphenamine Maleate + Paracetamol tablet (20 matag individual ug 60 matag household);
• Carbocisteine capsule (20 matag individual ug 60 per household);
• Carbocisteine suspension (lime matag individual ug 10 matag household)

Ang JMC, nga gipirmahan nila ni DOH Secretary Francisco Duque III ug DTI Secretary Ramon Lopez pagka Enero 10, gitumong aron pagpakgang sa artificial shortage ug pagsaka sa presyo sa over-the-counter flu medicines, ug estriktong pagsiguro nga dunay igong tambal hangtud nga mo stable ang supply niini.

Ang maong JMC nagmando sa mga retailers nga ibutang ang notice sa bantang nga lugar sud sa ilang outlets nga mag abiso sa mga customer kon pila lang ang gidaghanon sa tambal nga ilang mapalit.

Ubos sa Republic Act. No. 7581, o ang Price Act, as amended, ang DOH ug DTI dunay mandato pagsiguro sa availability sa basic necessities ug prime commodities sa reasonable nga presyo samtang nag siguro sa fair return on investment sa legitimate businesses.

(Source: DOH-7 | Visayas Vaccination Operations Center | Department of Health | Department of Trade and Industry, photo courtesy by Jhon Tadlip)