27.9 C
Manila
Tuesday, April 16, 2024

Cagayan de Oro: Sekyu patay samtang 3-million pesos nadala sa wala mailang tulisan diha sa Maramag, Bukidnon

- Advertisement -
Patay ang usa ka security guard human gitulis ug gipusil sa wala pa mailang suspek diha sa Barangay Kuya, Maramag, Bukidnon, gahapon Oktobre 11, 2022.

Ang biktima giila nga si Pedro Gamino Jr. nga taga Salawagan Quezon, Bukidnon kinsa nagtrabaho isip sekyu sa Cebuana Lhuillier diha sa North Poblacion, Maramag, Bukidnon.

Subay sa report sa kapulisan nga gikan sa Maramag ang biktima kauban ang empleyado sa maong patigayon sakay sa motorsiklo aron mag-deposit dihang kalit nga namusil ang mga suspek kanila. Gibutyag nga maoy naigo lamang ang biktimang sekyu kinsa nag-backride samtang ang kauban niini nga liason officer kinsa nag-drive sa motorsiklo ang luwas sa maong panghitabo. Giingong human sa pagpamusil gikuha sa 4 ka wala mailang mga suspek nga sakay sa duha ka motorsiklo ang bag nga adunay sulod nga 3-million pesos dayon sibat sa wala mapihong direksyon.

Sa pagkakarun padayon ang hot pursuit operation sa kapulisan alang sa hinanaling pagdakop sa mga suspetsado ug gilayong mapasakaan sa kasong Robbery with Homicide.

 (Photo courtesy of Elmer Baldivino)
- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -