Gipakusgan sa Cebu City Police Office o CCPO ang seguridad sa mga financial establishment sa Cebu City pinaagi sa security inspection ug pakig alayon sa mga security personnel sa nagkalain-laing establisemento.
Gipahimangnoan sa mga pulis ang mga guwardiya nga magmatngon batok sa mga suspetsado nga tawo, sakyanan ug kalihokan sulod ug palibot sa ilang establisemento.
Gidasig usab sa CCPO ang mga financial establishment nga kanunay susihon ug i-update ang ilang security measures aron malikayan ang posibleng krimen ug matubag dayon ang mga kahuyang sa seguridad.
Gihangyo ang mga security personnel nga i-report dayon sa pinakaduol nga police station o sa CCPO ang bisan unsang kadudahang kalihokan aron mahatagan og tukmang aksyon.
Matud ni CCPO City Director PCOL Ricky C. Sumalde, responsibilidad sa tanan ang seguridad. Gi-awhag niya ang mga financial establishment nga magpabiling alerto ug magpadayon sa suod nga koordinasyon sa kapulisan aron mapugngan ang krimen ug mapadayon ang kaluwasan sa Cebu City.
I via Renante Socia Lada