Gipakusgan sa Cebu City Government ang monitoring ug disease control measures human masuta ang African Swine Fever o ASF sa mga baboy nga giatuman sa backyard sa usa ka apektadong lugar sa siyudad.
Sumala sa laboratory results sa Department of Agriculture Regional Animal Disease Diagnostic Laboratory, pito ka blood samples ang positibo sa ASF viral DNA. Duha niini gikan sa samples nga nakuha niadtong Septiyembre 4, samtang lima ang gikan sa samples nga nakuha niadtong Septiyembre 10.
Gipahugot sa Department of Veterinary Medicine and Fisheries ang border ug movement control sa mga apektadong lugar, lakip ang padayong monitoring sa mga baboy sulod sa 500 metros gikan sa ASF-positive areas. Padayon usab ang blood sampling aron masuta dayon ang posibleng mga kaso.
Gipangandaman usab sa siyudad ang posibleng pag-cull sa mga baboy sulod sa 500 metros sa confirmed areas, subay sa national guidelines ug veterinary assessment. Nag-andam usab og alternative livelihood assistance alang sa mga apektadong hog raisers, lakip ang pag-apod-apod og layer chicks.
I via Renante Socia Lada