Gipahibalo sa National Grid Corporation of the Philippines (NGCP) nga magpatuman og Yellow Alert ang Visayas Grid karong Septiyembre 23, gikan alas-5 sa hapon hangtod alas-8 sa gabii.
Ang available capacity sa grid anaa sa 2,607 megawatts (MW), samtang ang peak demand o pinakataas nga gikinahanglang kuryente gibanabanang 2,418 MW.
Sumala sa NGCP, adunay 886.5 MW nga kapasidad sa kuryente nga dili magamit sa grid tungod sa mga planta nga naka-forced outage ug mga planta nga nag-operate sa ubos nga kapasidad.
Usa sa mga hinungdan sa Yellow Alert mao ang pagkawala sa serbisyo sa dagkong coal-fired power plants sama sa TVI 1, PEDC 3 ug KSPC 2.
Matud sa NGCP, ang Yellow Alert ipagawas kung dili igo ang operating margin sa grid aron matubag ang gikinahanglang reserba kung adunay kalit nga problema o pagkawala sa usa ka power facility. Bisan pa niini, dili awtomatik nga nagpasabot ang Yellow Alert nga adunay brownout.
I via Renante Socia Lada