32.3 C
Manila
Friday, October 7, 2022

Cagayan de Oro: P150 milyon inisyal nga damyos sa paghapak sa bagyong Odette sa Misamis Oriental

- Advertisement -

Taliwala sa daghang kadaot nga gibilin ni Bagyong Odette sa lalawigan sa Misamis Oriental apan ang liderato ni Gobernador Bambi Emano padayon sa pagbangon ug pagmalig-on.

Visit RPN DXKO Cagayan de Oro

Nasuwayan na ang kaligdong, kalig-on niini nga maoy karakter nga nasunod sa mga Misamisnon nga mobangon sa mga bisan-unsang pagsulay gikan pa sa Covid-19 hangtod sa bag-ohay lang mihapak nga kalamidad.

Niadtong Disyembre 16, 2021 nahitabo ang Bagyong Odette kon diin ang Visayas ug Mindanao lakip ang Misamis Oriental ang usa sa naapektuhan.

Ubay-ubay sa mga lungsod ug dakbayan ang labihang nakasinati sa baha, landslide ug uban pang kadaot nga dala gumikan sa maong bagyo.

Sa uwahing datos niadtong Disyembre 21, 2021 gitaho sa Provincial Disaster Risk Reduction and Management Office (PDRRMO) uban sa buhatan sa DSWD-10 ang inisyal nga ihap ug damyos hatod sa nasangpit nga bagyo.

Gireport ni PDRRMO Information Officer Mr. Floy Francisco nga mobalor sa P150 milyon kapin ang inisyal pa lamang nga damyos sa mga nangaguba nga kabalayan lakip niini ang infrastruktura.

Laumang mosaka pa kini human pipila pa sa mga kalungsoran ang wala makapadala sa ilang kinatibuk-ang report kon hisgotan ang damyos. Ang maong ihap gikan lamang sa tulo ka mga lungsod.

Wala pay lakip sa maong kantidad ang damyos sa Agrikultura sa lalawigan ug padayon pa gihapong gikonsolidar.

Dugang datos, mokabat ngadto sa 16,759 ka pamilya o 64,240 ka mga indibidwal ang apektado.

Gikasubo sab ni Gobernador Bambi nga dunay tulo nga namatay nga taga- El Salvador City ug taga- Claveria gumikan sa pagkalunod sa baha, ug taga- Binuangan tungod naigo sa natumba nga punoan sa kahoy. Samtang dunay 21 nga nasutang injured gikan sa tibuok lalawigan.

Ning kasamtangan anaa pa sa 5,097 gikan sa 16,759 nga ihap gikan sa adlaw nga nihapak ang bagyo dinhi sa lalawigan ang temporaryong nagpasilong sa nagkalain-laing  mga evacuation centers ang maong pamilya.

Dugang niini, adunay 1,117 ka mga damaged houses kung asa 125 niini ang totally damaged samtang 992 gitalang partially damaged.

Lakip sa datos nga gipasa sa PDRRMO nga natalang mga damages sa Infrastructures mao ang flood control dike, seawall ug bridges, spillway ug footbridge gikan sa lain-laing lugar.

Lapad usab ang apektado sa mga electric power lines sa mga kalungsoran ug sa pagkakaron dul-an na nga ma-fully restore sama sa mga lungsod sa Balingasag nga anaa sa 95%, sa Medina ug Magsaysay anaa na sa 70%  nga na-restored, apan sa ubang lungsod sama sa Balingoan aduna pay mga parte nga wala pay kuryente ug padayon pa nga gisubay sa line men ning panahona.

Kung hisgotan ang panubig nga bahin aduynay wala pa nahibalik ang suplay sa tubig sa ubang parte sa mga lungsod sa Balingoan ug Claveria nga ikadugang sa mga lungsod nga on-recovery state sama sa Talisayan, Gingoog City, ug Naawan.

Atol sa interbyu kang PDRRMO Information Officer Mr. Francisco nga ilang gipanumpaan nga dili magpasagad apan gikinahanglan nga nakaandam kanunay nga mohimo og haom nga mga aksyon aron kanunay nga matabangan ang mga naapektuhan.

Ngani man, hugot ang pakigtimbayayong sa tanang Municipal DRRMO uban ang matag pwersa sa LGU aron nga dili na malangay pa ang gikinahanglang mga tabang ug mahibalik sa normal sa daling labing panahon ug maplastar ang tanang biktima sa Bagyong Odette.

Ang buhatan sa Provincial Social Welfare and Development Office (PSWD) una na nga nagpaabot og inisyal nga relief assistance sa mga apektado nga nagpasilong sa nagkadaiyang evacuation center sa lalawigan ug kasamtangan gilihok na pag-apil ang pagtubag pa sa ilang laing mga panginahanglan.

Sa makausa pa si Gobernador Bambi mihatod sa iyang kinasing-kasing nga pagdasig sa tanang Misamisnon nga sa matag hapak sa bisan unsang kalamidad gikinahanglan ang pagpakalig-on ug paglaum nga makabarog gihapon ug makapadayon uban ang pasalig niini nga dili sila pasagdan ug kanunay nga abagan sa ilang mga panginahanglan.

(Source: DSWD | Misamis Oriental Provincial Information Office Facebook page)

- Advertisement -

LEAVE A REPLY

Please enter your comment!
Please enter your name here

- Advertisement -

Related Articles

- Advertisement -
- Advertisement -

Latest Articles

- Advertisement -