Gipangandam na karon sa CDO COVID-19 vaccination team ang pagsalmot sa ‘Nationwide Senior Citizens Vaccination Day’ karong Enero 31 ning tuig pinangulohan sa Department of Health aron mapaspasan ang vaccine rollout sa nahisgutang sektor.
Sigon sa DOH-10 ang regional theme sa nasangpit nga simultaneous vaccination alang sa senior citizens mao ang “Pagpangga sa mga Lolo ug Lola Pinaagi sa Pagbakuna”.
Sa padayong pagsaka sa COVID-19 cases sa tibuok rehiyon, mahinungdanon ang paghatag og dugang proteksyon sa mga senior citizens pinaagi sa pagpabakuna aron malikayan ang severe infection, hospitalization ug deaths tungod sa COVID-19 virus ug mga variants niini.
Sumala sa data sa City Health Insurance Office sa Enero 26, mokabat na sa 46,010 ka mga senior citizens sa Cagayan de Oro ang fully vaccinated.
(Source: Cagayan de Oro City Philippines Facebook page)