Friday, June 14, 2024

Cagayan de Oro: Mga Tindahan Sulod Sa Bolonsiri Public Cemetery Gisugdan Na Pagguba

- Advertisement -

Boluntaryo na nga giguba sa mga vendors ang ilang mga tindahan sulod sa Bolonsiri Public Cemetery alayon sa ipatuman nga re-development sa maong sementeryo nga sugdan karong bulana.

Visit RPN DXKO Cagayan de Oro

Adunay 107 na ka mga tindahan ang giguba sa mga tag-iya ug basi sa validation sa City Housing & Urban Development Department (CHUDD) adunay balay ang mga tag-iya.

Samtang duha ka mga pamilya nga boluntaryong miguba sa ilang balay ang dalhon didto sa transitory shelter sa Barangay Pagatpat nga maoy ilang temporaryong puy-an.

Gipadayag ni Sol Mosqueda, focal person sa City Memorial Park Project nga dugay na gipahibalo ug gipasabot sa syudad ang mga nanimuyo ug naninda sulod sa sementeryo kalabot sa proyekto.

Gani man, gipadalhan pa sila og notice to vacate.

Kagahapong adlawa Nob. 8, gikatakda ang pag-demolish sa mga structures apan gihatagan og panahon ang ubang tag-iya aron boluntaryo nga moguba sa ilang mga structures taman karong adlaw’ng Miyerkules Nob. 10.

Ug padayon gihapon nga nagpahigayon og pre-demolition conference ang Team sa syudad uban sa kadagkuan sa Clenro pinangulohan ni Engr. Armen Cuenca aron masiguro nga hapsay ang pagpahigayon sa demolition.

(Source: City Information Office | Cagayan de Oro City Philippines Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -