PERSONAL nga gitambongan ni Gobernador Bambi Emano ang induction ug oath-taking ceremony sa mga Newly-elected nga mga opisyales sa League of Municipal and City Agriculturists of the Philippines- Misamis Oriental Chapter (LEMMCAP).
Ang kalihokan gipahigayon sa Harbor Lights Hotel Restaurant, Gusa, Cagayan De Oro City kon diin ang amahan sa lalawigan nagsilbing guest of honor ug mihatag sa iyang mensahe ngadto sa mga mitambong alang sa iyang Pagpasalamat sa “9 Years of Excellence Service to Municipal/City Agriculture and Veterinarian of Misamis Oriental”.
Suporta kini sa Gobernador sa ilang serbisyo aron mas mapalambo ug mapahingusgan ang Agrikultura sa lalawigan.
Dungan niini gitunol sab ni Governor Bambi ang tseke nga mokabat sa ₱ 168,000 ngadto sa LEMMCAP.
Lakip sa mitambong sa kalihokan sila Regional Executive Director sa Department of Agriculture- 10, Mr. Carlene C. Collado si Regional Technical Director for Operations Ms. Carlota C. Madriaga, ProVet Head Dr. Benjamin Resma, outgoing LEMMCAP President Ms. Illuminada N. Saburao, mga Municipal ug City Agriculturists sa Misamis Oriental ug uban pa nga mga dinapit nga bisita.
Ang mga bag-ong mga opisyales sa organisasyon mao ang mga musunod:
President: Eddie Maape, Jr. (LGU-OPOL)
Vice-President: Nolly Adrian Gabule (LGU-EL SALVADOR)
Secretary: Graceil Lomongo (LGU-LAGUINDINGAN)
Treasurer: Marydel B. Aplaca (LGU-BALINGASAG)
Auditor: Engr. Ralph Vallar (LGU-SALAY)
PIO: Dr. Frederick Labis (LGU-ALUBIJID), Charisse Mamaat (LGU-BINUANGAN).
Ning paglingkod sa mga bag-ong opisyales sa LEMMCAP, lauman nga dako ang mamahimong kontribusyon niini sa pagpangusog sa Agrikultura sa probinsya hilabina nga ang Panggamhanang Probinsya sa Misamis Oriental ubos sa pagdumala ni Governor Bambi Emano anaa kanunay mosuporta sa ilang mga panginahanglan sa pagpalambo sa Agrikultura.
(Source: Misamis Oriental Provincial Information Office Facebook page)