Mapasigarbuhon nga gidala sa Queen of MisOr 2020 nga si Ms. Lars Pacheco ang pangalan sa Misamis Oriental sa Nasyonal nga Indigay sa Kaanyag alang sa mga third sex, nga mao ang Miss International Queen Philippines.
Kahinumduman nga tuig 2020, gikoronahan si Ms. Pacheco gikan sa Jasaan, isip Queen of Misamis Oriental nga karon maoy murepresentar sa probinsya sa umalabot nga Miss International Queen Philippines pageant nga mahitabo sa Marso 06, 2022 sa SMX Convention Center sa Manila.
Makigtigi si Ms. Pacheco sa laing 25 pa ka mga kandidata sa nasangpit nga indigay kon diin musalang ang mga dalaga sa nagkadaiyang challenges susama sa talent showcase challenge.
Mamahimo nga suportahan si candidate no.10, Ms. Lars Pacheco aron awtomatiko kini nga makasulod sa top10 spot sa maong indigay pinaagi sa pag register ug pagboto sa KTX.
Suportado sa panggamhanang sa lalawigan ang representasyon ni Ms. Pacheco ug pagdala niini sa ngalan sa Misamis Oriental ngadto sa nasyonal nga indigay sa kaanyag kon diin dako ang mamahimong dungog nga mahatag niini sa pagpromotar niini sa maanyag nga probinsya.
(Source: PTO-MisOr | Misamis Oriental Provincial Information Office Facebook page)