- Advertisement -
Hugot ang pagtuo sa LGU CDO nga makab-ot na sa dili madugay ang herd immunity sa syudad sanglit mokabat na sa 65.81% ang target population sa mga nakadawat na sa second dose.
Basi sa datus sa City Health Insurance Office – Data Management Team, anaa na sa 341,264 ang naka-second dose sa 518,518 nga target population alang sa herd immunity.
Samtang mikabat na sa 527,527 o 101.73% na sa katawhan ang nakadawat sa 1st dose basi sa December 8 nga datus.
Subay niini, padayo’ng nanawagan si Mayor Oscar Moreno ug City Health Office sa katawhan ilabina niadtong wala pa nakadawat bisan sa 1st dose sa pag-register na aron adunay dugang proteksiyon batok COVID 19 virus.
(Source: Cagayan de Oro City Philippines Facebook page)
- Advertisement -
