Gipasabot ni Misamis Oriental Provincial IATF Chief Dr. Jerie Calingasan ang kamahinungdanon sa bakuna batok COVID-19 nga maghatag proteksyon sa mas grabeng komplikasyon nga dala sa maong virus.
Matod niini nga mamahimo pa nung Pebrero 2, 2022 nga mataptan ang bakunadaong indibidwal apan sigurado nga kini protektado batok sa mas grabe nga komplikasyon nga mahimong makuha dala sa maong makapatay nga virus.
“Actually ang vaccine does not protect us from the infection, we still will be infected it protects us from getting the severe or the critical type of covid-19 so walay nag-ingon nga it will protect us fully but there is some sort of protection nga mild lang ang symptoms mangawas sa imo,” pagpasabot ni PIATF Chief Calingasan.
Dugang niini nga tungod sa bakuna, mamahimo lamang nga makasinati sa mild type sa COVID ug dili na moabot pa sa moderate type diin makasinati og pag-ubos sa 95% nga oxygen level o ang severe o critical level diin ang pasyente magalisod na sa pag-ginhawa.
Gidasig karon ni Gobernador Bambi Emano ang dili pa bakunado nga magpabakuna batok sa COVID-19 tungod kini maghatag og dugang proteksyon nga malikay sa mas grabe nga epekto sa maong virus ug sa hingpit mobalik na sa normal nga panikay-sikay sa kinabuhi.
(Source: Provincial Health Office | Misamis Oriental Provincial Information Office Facebook page)