Anaa na sa high risk level ang Two Week Growth Rate (2WGR) sa Cagayan de Oro basi sa risk qualifications sanglit anaa na kini karon sa 1,194% niadtong January 9 kon itandi sa 103% sa January 3 ning tuig.
Kini tungod usab sa paspas nga pagsaka sa mga kaso sa COVID 19 nga natala sa syudad human natapos ang tuig 2021.
Kahinumdoman nga miubos na ang 2 week growth rate niadtong Disyembre 29, 2021 sa -40% ug mitala pa gayud sa pinakubos nga -10% sa January 1.
Tungod niini, gihangyo na usab ni Mayor Oscar Moreno, kauban ang City Heath Office ug Emergency Operation Center ang katawhan sa pagsunod kanunay sa minimum public health standards, magpabakuna alang niadtong wala pa nabakunahan ug dili angayan magkompyansa sa adlaw-adlaw nga gimbuhaton.
(Source: Cagayan de Oro City Philippines Facebook page)