Bilang ng trabahong nilikha ngayon taon umabot na sa 800,000 — DOLE

Umabot na sa mahigit 860,000 trabaho ang nilikha ngayong taon.

Kumpara ito sa target ng gobyerno na 1.1 million trabaho kada taon.

Batay sa datos ng Department of Labor and Employment (DOLE), karamihan sa mga trabahong ito ay nasa construction, manufacturing at logistics industry.

Ayon kay DOLE-Bureau of Local Employment Director Dominique Tutay, pinaka-lumago ang mga naturang industriya partikular ang logistics dahil sa paglaganap ng online-shopping.

Sa kabila nito, umaasa aniya ang pamahalaan na madaragdagan ang mga trabaho lalo’t mag-e-eleksyon sa susunod na taon.