Nakasagana dagiti computer facilities iti Ilocos Norte Provincial Library nga usaren dagiti estudiante ken dadduma pay nga agturturong iti I hub ti probinsia.
Daytoy ti impasingked ni Mr. Eric Coloma, mangidadaulo iti provincial Hub tapno saan nga agalumiim dagiti agad adal a mangusar kadagiti computer.
Segun kenkuana, nawaya dagiti estudiante a mangusar kadagiti computers iti I Hub pakairamanan dagiti naduma duma ti klase na a libro, magazines, pocketbooks ken dadduma pay a mabalinda a pagresearchsan kadagiti adalen da.
Kunana a nawaya pay dagiti agkalikagum a makipagpaset iti Sirib Youth Leadership Program iti Sirmata Provincial Learners Scholarship Program iti gobierno probinsial babaen met iti tulong ti Ilocos Norte Youth Development Office.
Kabayatan na, nangipaay manen ti Ilocos Norte Provincial Library iti tulong kadagiti agad adal nga ubbing ditoy Ilocos Norte.
Dagiti naipaayan kadagiti nagduduma a reading materials ken print outs kadagiti story books manipud iti Lets Read The Asia Foundation publication assistance ket iti Bagbag Solsona National High School, Brgy . Venciano, Banna, Ilocos Norte ken Salpad Day Care Center.
Naragsakan met dagiti mangidadaulo kadagiti nasao a pagadalan kagiddan iti panagyaman da ken ni Gobernador Mathew Marcos Manotoc gapu kadagiti inpaayna manen a pagimbagan dagiti agad ada.
Dagiti maipapaay a serbisio ken pagsayaatan dagiti agad adal nga ubbing kadagiti nadumaduma a pagadalan elementarya ken sekondarya iti ilocos norte ket initiatibo pay laeng ni Gob. Marcos Manotoc.
Tarigagay ti gobernador nga agsayaat ken manayunan pay iti naan anay nga adal ken sursuro dagiti ubbing nangruna kadagiti naganus pay laeng ti tawen na tapno dumakkel da a nasayaat a makipagili.
(Yna Arzadon, Source: Provincial Government of Ilocos Norte)