Sikop sa kapulisan ang usa ka babaye nga empleyado sa usa ka establesimento sa Top Rice Mill and Corn, mga alas 8:15 sa gabii niadtong Abril 8,2024,didto sa Barangay Galas, ning dakbayan sa Dipolog.
Si PSSg. Greggy Neil Enon Duty Investigator, matod pa nakadawat ug taho gikan kang Ms. Merlyn Dy. Uy, nagpahibalo nga dunay nahitabong pagpangawat sa Barangay Galas, dakbayan sa Dipolog.
Diha-diha dayun miresponde ang mga sakop sa Duty Investigator sa Dipolog City Police Station uban sa mga crew sa mobile patrol sa naasoyng lugar aron masuta ang katinuod sa nasangpit nga report.
Sa pag-abot didto si Ms. Merlyn Dy. Uy, kinsa tag-iya sa negosyo nga establisemento sa Top Rice Mill and Corn niasoy ngadto sa niresponding polis sa nahitabo.
Matod pa nga mga alas 6:30 sa gabii niadtong Abril 8, 2024 ang iyang empleyado nga si alyas “Cess” napakyas sa pag-remit sa koleksyon nga nagkantidad og P77,800 ug sa dihang giatubang kini sa tag-iya ang bahin sa iyang koleksyon gikuha sa gikabalak-an nga suspek ang dako nga pouch nga kolor berde sa iyang drawer ug boluntaryong gi-surrender ang kwarta uban ang nawala nga sales/delivery receipt nga gituohang malisyoso ug gituyo nga gitago ug gikawat niini kini.
Pagkahuman, ang kuwarta giihap sa tag-iya ug nakuha ang kinatibuk-ang kantidad nga P32,100.
Gisikop dayun ang suspek tungod sa krimen nga iyang nahimo ug gipahibalo sa iyang konstitusyonal nga katungod isip usa ka dinakpan ug gidala sa Dipolog City Police Station ug gipaubos sa kustodiya sa kapulisan.
Samtang, ang kinawat nga cash ug resibo sa halin nga nakuha gikan sa possession ug control sa suspek giturn-over ngadto sa investigation section alang sa court exhibit nga nag-ung-ong sa pagpasaka sa reklamong kriminal batok sa suspek ngadto sa korte.
(Source: Dipolog CPS)
