- Advertisement -
Nagpositibo ang apat na staff members ng Senado sa coronavirus disease 2019 (COVID-19).
Ito mismo ang kinumpirma ni Senate Majority Leader Juan Miguel Zubiri kung saan sinabi nitong dapat na muling i-lockdown ang senado dahil sa mga naitalang kaso ng COVID-19.
Anya, kabilang ang kanyang staff member sa apat na panibagong kaso ng COVID-19 sa senado.
Gayunman, sinabi naman ni Senate President Vicente Sotto III na hindi na kakayanin pa ng senado na muling isailalim sa lockdown.
Matatandaang nito lamang Hunyo nang ilagay ang senado sa semi-lockdown matapos na magpositibo sa COVID-19 ang dalawa pang senate staff members.
Sa ngayon, nasa kabuuang 20 senate staff members na ang tinamaan ng COVID-19.
- Advertisement -
