$200,000 ipinagkaloob ng South Korea sa mga nasalanta ng bulkang Taal

Nagkaloob ng $200,000 na donasyon ang South Korea sa mga nasalanta ng bulkang Taal.

Pinangunahan ni Korean Ambassador to the Philippines Han Dong–Man ang pag-aabot ng tulong sa Philippine Red Cross.

Nagpasalamat naman dito si Senator at Red Cross Chairman Richard Gordon sa aniya ay mabilis na pagtugon at pagtulong ng SoKor sa mga biktima ng bulkang Taal.

Dahil sa naturang donasyon, mas marami pa aniyang mga hygiene kits, food at non–food items, sleeping kits, portable water, portalets at iba pang pangangailangan ng mga nasalanta ang matutugunan.