2 junior officers ng BFP abogado na matapos pumasa sa 2019 Bar examinations

Magiging abogado na ang dalawang junior officers ng Bureau of Fire Protection (BFP) matapos pumasa sa 2019 Bar examinations.

Sa isang Facebook post, binati ng BFP-National Capital Region sina Fire Officer 3 Marco Arpon at Fire Officer 1 Kim Austine Padilla nang mapabilang sa mahigit 2,000 nakalusot na idinaos na pagsusulit sa University of Santo Tomas (UST) noong nakaraang taon.

Magugunitang sa inilabas na listahan ng Korte Suprema, nanguna rito si Mae Diane Azores ng University of Santo Tomas-Legazpi.

Sinasabing mas maluwag ang bar exams noong nakaraang taon dahil ipinako sa 74% ang passing grade sa nasabing pagsusulit.