Malipayon nga gipahibalo sa Local School Board sa Misamis Oriental nga gipanguluhan ni Gobernador Bambi Emano nga hingpit na nga nahatag ngadto sa 421 ka pampublikong tunghaan sa lalawigan ang kinatibuk-ang ₱3,000,000 gikan sa Kapitolyo Probinsyal isip suporta sa Brigada Eskwela 2021 sa Department of Education sa Misamis Oriental.
Isip usa sa mga haligi nga nagtuko sa iyang flagship program, hugot nga gisuportahan ni Gobernador Bambi ang sector sa Edukasyon, hilabina ang Brigada Eskwela kung diin ang kantidad nga gihatag sa Kapitolyo Probinsyal gamiton alang sa pagbag-o ug pagpangandam sa mga kinahanglanon nga materyales alang sa pagbukas sa klase karong Septiyembre 13, 2021.
Pinangunahan nila Local School Board Project Manager Ms. Caroline Neri ug ni Committee Chairman on Education Board Member Gerardo “Boboy” Sabal III, gipahigayon ang pagpangapod-apod sa pondo sa mga eskwelahan gikan Agosto 17 hangtod Septiyembre 2, 2021.
Unang nakadawat ang tunghaan sa MOGCHS niadtong Agusto 17, 2021 sa kantidad nga ₱ 20,000.00.
Ang 44 ka tunghaan sa lungsod sa Claveria nga gipahigayon ang pagtunol sa Claveria Central School nakadawat og ₱ 325,000.00 nga kantidad niadtong Agusto 18, 2021.
Moabot sab sa 18 ka mga tunghaan sa Opol ang midawat og balor tanan og ₱ 147,500.00 nga gipahigayon sa Laguindingan National High School niadtong Agusto 19, 2021.
Mokabat sa 20 sab ka tunghaan gikan sa lungsod sa Alubijid nakadawat og ₱ 152,500.00; 13 ka tunghaan sa lungsod sa Laguindingan nga nakadawat og ₱ 82,500.00 ug 30 ka tunghaan sa lungsod sa Magsaysay nga midawat og ₱ 185,000.00 ang midawat sa kantidad didto sa Consuelo National High School niadtong Agusto 20, 2021.
Niadtong Agusto 25, 2021 midawat ang 9 ka tunghaan sa Liberta og kinatibuk-an nga ₱ 62,500.00; 19 tunghaan gikan sa Initao mokabat og ₱ 145,000.00 ug 12 tunghaan gikan sa Gitagum nga midawat og kinatibuk-an nga ₱ 67,500.00.
Mokabat sa 39 sab ka mga tunghaan gikan sa Balingasag ang nakadawar og ₱ 287,500.00 ug 14 ka tunghaan sa lungsod sa Lagonglong midawat og ₱ 87,500.00niadtong Agusto 26, 2021.
Niadtong Agusto 27, 2021 mokabat 15 ka mga Barangay sa lungsod sa Tagoloan nakadawat og kinatibuk-ang kantidad nga ₱ 135,000.00; moabot sab sa 19 ka tunghaan sa lungsod sa Jasaan nakadawat og ₱ 170,000.00 ug 15 tunghaan gikan sa lungsod sa Villanueva nakadawat og ₱ 102,500.00.
Niadtong Agusto 31, 2021 ang 19 tunghaan gikan sa lungsod sa Manticao midawat og kantidad nga ₱ 125,000.00; 15 sab ka tunghaan sa lungsod sa Naawan midawat og ₱ 87,500.00 ug ₱ 62,500.00 nadawat sa siyam ka mga tunghaan gikan sa Lugait.
Duha ka mga lungsod nga gilangkoban sa Salay ang nakadawat og ₱ 110,000.00 alang sa 18 ka tunghaan ug 26 ka tunghaan sa lungsod sa Kinoguitan nakadawat og ₱ 172,500.00
Niadtong Septiyembre 2 moabot 20 ka tunghaan gikan Sugbongcogon ug Binuangan ang nakadawat og ₱ 162,500.00; lungsod sa Talisayan nga adunay 22 ka tunghaan nakadawat og ₱ 132,500.00 nga kantidad ug 24 ka tunghaan sa lungsod sa Medina ang midawat og ₱ 177,500.00
Sa kinatibuk-an moabot 421 ka tseke ang natunol alang sa 421 ka mga tunghaan nga mobalor og sakto P3 milyones.
Ang Brigada Eskwela 2021 adunay tema: “Bayanihan para sa Paaralan, Eskwelahan atong tabangan para sa atong Kabataan.”
Sukad sa pagsugod sa pandemya, wala mohunong si Gobernador Bambi Emano sa pagahin ug budget alang sa mga kinahanglanon sa matag eskwelahan sa Misamis Oriental aron makahatag og kalidad nga edukasyon ug mga lawak nga klasehanan aron komportable ang pagkat-on sa mga estudyante bisan sa Distant Learning Process nga pamaagi sa pagtudlo.
(Source: LOCAL SCHOOL BOARD-MISOR)