Cebu City – Nagtoo si incoming Department of Tourism (DOT) Secretary ug incumbent Liloan Cebu Mayor Christina Garcia-Frasco nga ang Suroy-Suroy Sugbo sa Cebu Province angayang i replicate sa national level.
Kini ang gipahibaw ni Frasco atol sa Tourism Night nga gipahigayon sa Kapitolyo, Hunyo 21, 2022.
“Cebu has shown benchmark for the effectivity of tourism governance, including Suroy-Suroy Sugbo. This is certainly something that is worth emulating and replicating throughout the country. We will study it closely in the hopes of bringing attention to the lesser-known tourist destinations in the Philippines,” pahibaw ni Frasco.
Gikonsidera ang Suroy-Suroy Program sa Cebu Provincial Government nga usa sa mga tool sa lalawigan pag promote sa local tourism.
Ang maong programa gisugdan niadtong tuig 2004, atol sa unang termino ni incumbent Cebu Governor Gwendolyn Garcia.
Nagsilbing host ang DOT sa Tourism Night nga gipahigayon sa Capitol Social Hall isip pag welcome ug pagpadayag ug suporta ngadto ni Frasco, kinsa maoy mangulo sa tourism department sa nasud, ubos sa administrasyon ni President-elect Ferdinand ‘Bongbong” Marcos Jr.
Gitambongan ang maong event sa mga nagkalain-laing stakeholders sa Cebu Tourism Industry ug tibook Central Visayas, foreign diplomats, airline officials, hotel owners ug ubang opisyal sa local ug national government.
Lakip sa mga mitambong nga local official mao ang mga board members, Lapu-Lapu City Mayor Junard “Ahong” Chan, Congresswoman Emmarie “Lollypop” Ouano-Dizon, Congresswoman Cindi Chan ug Cebu City South District Representative-elect Edu Rama.
Mitambong sab si Senator-elect JV Ejercito.
Si DOT-7 director Shahlimar Homer Tamano sa iyang mensahi, mopahibaw nga bisan sa epekto sa Covid-19, super typhoon Odette, ug ubang kalamidad nga miigo sa rehiyon, nagpabilin nga resilient ang DOT ug gani nag celebrate sa nakab-ot pinaagi sa “hard work and grit”.
Sa iyang bahin, gipasalig ni Cebu Governor Gwendoly Garcia ang suporta sa tibook Sugbo sa iyang bag-ong tahas sa national government.
“Go boldly with the entire support of the entire Cebu Tourism Industry as we celebrate Cebu Tourism tonight, a defeaning signal to the entire country that as you start with your new position, with the country to look after, you have the full 101 (percent) support of the entire island of Cebu and all of our tourism stakeholders, stakeholders as your mom, and governor of Cebu,” pasalig sa gobernador.
Samtang ang bana ni Christina nga si Cebu 5th District Representative Duke Frasco mipadayag nga wa siyay pag duda nga maka himo ang iyang asawa sa gihulagway niini nga “extremely well” sa iyang (Christina) bag-ong tahas. (Jhon Tadlip)
(Source: Cebu Provincial Government | DOT-7, photos courtesy of Bukilat Cave and Lake Danao Facebook page)