El mando rehyonal del pulisiya ya conduci “Brigada Eskwela” del Lunes na Culianan National High School aqui na ciudad de Zamboanga.
Asegun con Police Lieutenant Colonel Helen Galvez, el portavoz del mando rehyonal del pulisiya, el Brigada Eskwela ya prinicipia por medio de un recorida.
Asegun con Galvez ya limpia con el eskwela de segundarya del Culianan el mga personajes del pulisiya y ya entrega mga donacion desde con el diferente interesao partido.
Si Galvez ya habla cay ya participa tamen na conducida del Brigada Eskwela mga bombero, soldao marino y mga myembros del EVO Riders Community.
El Police Regional Office-9 (PRO-9) ta esta comitido suporta con el coducida del actividades del Brigada Eskwela para ase mas mejor el relacion entre el maga maestro, maestra y mga estudiantes para ase tamen un buen y guardiao lugar na abrida del clase para el año 2023-2024. (B. Garcia) (Photo Courtesy of PRO-9)