Dos mga alto ranggo oficiales del pulis el ya designa na para ocupa nuevo posicion na mando rehyonal del pulisiya.
Si Police Brigadier General Neil Alinsañgan, el director del mando rehyonal del pulisiya, ya nombra con el dis oficiales como canda Police Colonel Romeo Espero, Jr. y si Police Colonel Roland Bulalacao.
Con Espero, quien ya sirvi como el Chief of Regional Staff desde Agosto 16, 2022 hasta August 7, 2023, ya designa como el interino Deputy Regional Director for Operations (DRDO).
Con Bulalacao ya designa como el nuevo Chief of Regional Staff que ya queda vacante por causa na nuevo designacion de Espero.
Si Bulalacao estaba designa como el hefe del Regional Operations Division na Police Regional Office-7 que tiene el jurisdiccion con el rehyon del Central Visayas.
Ambos si Espero and Bulalacao ya gradua del año 1996 na Philippine National Police Academy.
Conosido el dos oficiales por el de ila buen abilidad de liderato con extensivo experiencia na servicio y implementacion del leys.
Asegun con Alinsañgan cay esperansao del dos oficiales lleva positivio mejoras na mando del pulisiya rehyonal. (B. Garcia) (Photo Courtesy of PRO-9)