El Department of Public Works and Highways (DPWH) ya completa ya con el mejoramiento del dos camino na municipio del Liloy, Zamboanga del Norte.
Asegun con el director rehyonal del DPWH Cayamombao Dia cay uno del dos proyectos ya completa el terser distrito de engiñeriya del DPWH na Zamboanga del Norte amo el anchada del tres kilometro camino de Sindangan para Liloy desde “two lanes” para na “four lanes”.
El proyecto de anchada del camino ya costa P15 milyones.
Asegun con Dia por causa del omento anchor del camino, mucho ya vehiculo el ta puede pasa, ya solva con el problema de trafico, accidente y de otros pa problema.
“El mga viajero ta experiencia ya ahora lijero, librao y mas comportable viaje na carretera nacional,” si Dia ya habla.
El otro proyecto que ya complete el DPWH amo el cementada del 942.9 metros liniares camino na Barangay Tapican, Liloy. El Proyecto tiene el valor de P15 milyones.
Ahora cay cementao ya el camino, el mga siembrador na Tapican ya puede ya enbuenamente transporta con el de ila producto agricultural como coco na sercanos barangay y na mercao publico. (B. Garcia) (Photo Courtesy of DPWH)
