Tres personas el ya aresta y mas de P1 millon valor de droga ilegal y pusil el ya confisca mga autoridad na un campaña contra droga na provincia del Lanao del Sur, asegun con el policia del Jueves.
Si Police Colonel Roberto Daculan, el Lanao del Sur Police Director, ya nombra lang con el mga arestao suspechao como canda Alias Camal, Alias Asraf, y si Alias Maulana.
Asegun con Daculan, con el tres suspechao ya aresta na un “buy-bust operation” mga ala 1 del Miercoles tarde na Barangay Sugod Mawatan, Tugaya, Lanao del Sur.
Asegun con Daculan, ya confisca na posesion del tres suspechao 161.1 gramos de suspechao shabu que tiene el valor de P1,095,480, un calibre .45 pistola con sinco mga bala.
Si Daculan ya habla, con el tres arestao suspechao y el mga evidencia ya recubri na de ila posesion ya lleva na quartel Provincial del Policia na Lanao del Sur.
Si Daculan ya habla, hay planta sila asuntos contra con el tres arestao suspechao por violacion del Comprehensive Dangerous Drugs Act of 2002 y Comprehensive Firearm and Ammunition Regulation Act.
(B. Garcia, photo courtesy of Lanao del Sur Police Provincial Office)
