Surigao City – Gipasigarbo sa Siyudad ang nahimo ni Hearth Makiling, 19-anyos nga babaje, residente sa Brgy. Taft, kinsa malampusong nakakuha ug puwesto sa prestihiyosong Philippine Sepak Takraw Women’s Team.
Graduwado sa Surigao del Norte National High School nga diin si Hearth Makiling nakatapos sa Special Program for Sports jadton 2021.
Gipadayon nija ang ija pagtuon sa Business Administration sa Eulogio Amang Rodriguez Institute of Science and Technology (EARIST) sa Manila.
Nadasig sa ija high school coach nga si Arnel Escabal, si Hearth aktibong misalmot sa tryout nga gipahigayon sa Manila. Taliwala sa 65 ka mga partisipante sa tibuok nasud, malampuson sija naka suyod nga nakuha nija ang puwesto sa team.
Sa pagka kuman si Hearth sanan ang ija mga kaibanan nagpailawom sa hugot nga pagbansay-bansay sa Manila agig pagpangandam sa umaabot nga International Sepak Takraw Competition nga gikatakda sa ulahing bahin niining tuiga sa Thailand. (Ronda 21 Mark James Lisondra, photo courtesy by Hearth Makiling and Arnel Escabal)