Zamboanga: DPWH, DTI ya completa P35 milyones cementada de camino

0
9

El Departamento de Orbras Publicas y Carreteras (DPWH) en convergencia con el Departamento de Comercio y Industriya (DTI) ya completa ya con el cementada del tres camino para suporta con un comunidad agricultural na municipalidad del Siay na provincia del Zamboanga Sibugay.

El Segundo distrito del oficina de engiñeryia na provincia del Zamboanga Sibugay amo el ya implementa con el proyctos de cementada de camino desde Barangay Mirangan para na Barangay Balucanan con el largor de 484 metros; desde Barangay Coloran para na Barangay Paruk con el largor de 455 metros; y desde Barangay Dacanay para na Barangay Suma con el largura de 367 metros.

El tres proyectos de cementada del camino tiene el total valor de P35 milyones.

Asegun con Engineer Cayamombao Dia, el director rehyonal del DPWH, el anchada del camino para na “two lanes” ay beneficia con el industriya de calamansi, coco y goma del Siay, Zamboanga Sibugay cay mas conviniente ya transporta mga producto de agricultura para na mercao publico.

“El completada de este mga proyectos, el local comunidad puede tene omento oportunidad de busca lavida, y mejora pa mas con el econimiya del provincia,” asegun con Dia.

El proyecto del cementada del camino ya ase por medio del programa del DTI nombrao como el ROLL-IT o “Roads Leveraging Linkages of Industry and Trade Program”. (B. Garcia) (Photo Courtesy of DPWH-9)

LEAVE A REPLY

Please enter your comment!
Please enter your name here